यस्ता छन् हरियो सागसब्जी खानुका फाइदाहरू, जानी राखौ Nepalpatra
१८ मंसिर २०७७, बिहिबार

यस्ता छन् हरियो सागसब्जी खानुका फाइदाहरू


सागसब्जी
डा. राम बहादुर बोहरा
डा. राम बहादुर बोहरा

हाम्रो भान्सामा प्राय: हरियो साग हुन्छ । हरियो तरकारी खाँदाका फाइदा धेरै छ । यस्ले शरीरलाई स्वस्थ राख्नुको साथै फुड थेरापीको पनि काम गरि रहेको हुन्छ । हरियो सागले मस्तिष्कलाई स्वस्थ राख्नुको साथै आँखाको ज्योति बढाउन समेत राम्रो भूमिका खेल्दछ ।

पोषिलो परिकारले शरीरको रोग प्रतिरोधी क्षमता बढाएर क्यान्सर, मुटुरोग र मधुमेह जस्ता असाधारण रोगको सम्भावना समेत हटाउँछ । त्यसैले औषधीय महत्व भएका सागसब्जीका बारेमा सबैलाई ज्ञान हुनु आवश्यक छ ।

आज हामीले यसै कुरालाई ध्यानमा राखेर हरियो तरकारीको बारेमा जानकारी पस्कदैछौं । नेपालमा रायो, तोरी, फापर, बेथे, मेथी, सौँप, पालुंगो, चौँसुर, छ्यापी, लसुनका सागका साथै फर्सीका मुन्टा, हरियो प्याज, निउरो आदि हरियो सागको रूपमा खाइन्छ ।

यी सबै सागमा पाइने पोषकतत्व फरक-फरक छन् । तर समान रूपमा भिटामिन, खनिज तत्व पाइन्छन् । हरियो सागमा मुटुको रोगदेखि कब्जियतसम्म, पेटको क्यान्सरदेखि गठिया र जोर्नी तथा हड्डीका समस्यासम्म हटाउने क्षमता हुन्छ ।

मस्तिष्कको क्षमता बढाउन तथा बूढोपनका लक्षण हटाउन सागयुक्त भोजन निकै नै लाभदायक हुन्छ । उच्च रक्तचाप र शरीरको मोटोपन नियन्त्रण गर्न, हड्डी बलियो बनाउने भिटामिन डी पर्याप्त पाउन, शरीरको रोग प्रतिरोधी क्षमता बढाउन हरियो सागसब्जी अत्यन्त राम्रो खाद्यवस्तु हो ।

हाम्रो खानामा हरियो तरकारी अनिबार्य खाने बानी बसाल्नु पर्दछ । स्वास्थ्य रहन हामीलाई यस्ता खाना खान आवश्यक छ । शरीर स्वस्थ रहन यो आवश्यक छ । रोगसंग लड्न हामीलाई थुप्रै भिटामिनको आवश्यक हुन्छ । यस्को आपूर्ति गर्न हरियो सागसब्जी सवैभन्दा महत्वपूर्ण छ ।

यो पनि पढनुहोस्

स्वास्थ्य रहन अपनाउनुपर्ने केहि उपायहरु

कस्तो सागसब्जी खाने ? यस्तो छ डा. राम बहादुर बोहराको सुझाव

*डा. राम बहादुर बोहरा नेपाल वैकल्पिक चिकित्सा विकास परिषद नवलपरासीको अध्यक्ष, बरिष्ट आयुर्वेद डाक्टर, साइन्स इन्फोटेकका सल्लाहकार तथा नेपालपत्रको स्वास्थ्य स्तम्भकार तथा पत्रकार हुनुहुन्छ ।



प्रतिक्रिया दिनुहोस !