घरमै बसेर अब टेलिभिजनबाट नयाँ नेपाली फिल्म हेर्न पाइने Nepalpatra घरमै बसेर अब टेलिभिजनबाट नयाँ नेपाली फिल्म हेर्न पाइने
२३ मंसिर २०७९, शुक्रबार

घरमै बसेर अब टेलिभिजनबाट नयाँ नेपाली फिल्म हेर्न पाइने


नेपाली फिल्म हेर्न पाइने

काठमाडौं । नेपाली टेलिभिजनको इतिहासमा पहिलोपटक नेपाली चलचित्रको टेलिभिजन वर्ल्ड प्रिमियर गरिने भएको छ । नेपाल नेटवर्क टेलिभिजनले आफ्नो प्रसारणको सुरुवातसँगै नयाँ नेपाली चलचित्रहरूको टेलिभिजन प्रिमियर गर्ने भएको हो ।

डीएआर मुभिजका निर्देशक श्याम धितालका अनुसार हरेक हप्ता एउटा पुरानो चलचित्र प्रसारण गरिने छ । त्यसैगरी महिनामा एउटा हलमा प्रदर्शन भएर अन्य कुनै डिजिटल प्लेटफर्ममा रिलिज नगरिएको नयाँ चलचित्र प्रसारण गरिने छ ।

ओएसआर डिजिटल र डीएआर मुभिजको सहकार्यमा नेपाली चलचित्र टेलिभिजनमा प्रसारण गर्न लागिएको हो । अबदेखि दर्शकले घरमै बसेर दर्शकले टेलिभिजनबाट नयाँ नेपाली चलचित्र हेर्न पाउनेछन् । आगामी तिहारबाट नियमित रूपमा चलचित्र प्रदर्शन गरिने जनाइएको छ ।

नेपाल नेटवर्क टेलिभिजनबाट पहिलो चलचित्र ‘लप्पन छप्पन २’ प्रदर्शन गर्ने तय भइसकेको छ । केही महिना अघि मात्र प्रदर्शनमा आएको चलचित्रमा सौगात मल्ल, अनुप विक्रम शाही, शिव श्रेष्ठ, अर्पण थापाले अभिनय गरेका छन् ।


यो समाचार पढेर तपाईको प्रतिक्रिया के छ ?

प्रतिक्रिया दिनुहोस !