लगभग ५० वर्षको उमेरमा करिश्माले गरिन् १२ कक्षा पास Nepalpatra लगभग ५० वर्षको उमेरमा करिश्माले गरिन् १२ कक्षा पास
१३ माघ २०७८, बिहिबार

लगभग ५० वर्षको उमेरमा करिश्माले गरिन् १२ कक्षा पास


करिश्मा मानन्धर

काठमाडौं । नायिका करिश्मा मानन्धरले १२ कक्षा पास गरेकी छन् । नेपाली चलचित्र क्षेत्रकी सदाबहार नायिकाको रुपमा चिनिने करिश्माले २.४१ जीपीए ल्याएर १२ कक्षा पास गरेकी हुन् ।

काठमाडौंको गोदावरीस्थित किटिनी माविबाट परीक्षा दिएकी उनले दुई विषयमा ए प्लस ग्रेड समेत ल्याएकी छन् । राष्ट्रिय परीक्षा बोर्डले गत भदौ ३० गतेदेखि असोज ८ गतेसम्म सञ्चालन भएको परीक्षाको नतिजा आज मात्र प्रकाशित गरेको थियो ।

कोरोना महामारीका कारण कलेजहरु सञ्चालन हुन नसकेपनि उनले अनलाइन क्लास लिएरै २.४१ जीपीए ल्याउन सफल भएकी हुन् । कक्षा १२ नतिजा राम्रो आएकोमा खुसी व्यक्त गर्दै मानन्धरले घर नजिकको कलेज भएकाले अवको थप अध्ययन पनि सोही कलेजमा गर्ने बताएकी छन् ।

लगभग ५० वर्षको उमेरमा करिश्माले १२ कक्षा पास गरेकी हुन् । नेपाली विकिपिडिया अनुसार उनको जन्म मिति सन् १९७१ लेखिएको छ भने अंग्रेजी विकिपिडिया अनुसार उनको जन्म दर्ता अनुसार जन्म मिति फेव्रुवरी १४, १९७२ लेखिएको छ ।

पढ्नलाई कुनै उमेरको हदबन्दी छेक्दैन भनेर उनले सावित गरेर उनी पढ्ने इच्छा भएका तर स्कुल, कलेज जान नसकेकाहरुको लागि प्रेरणाको स्रोत समेत भएकी छन् ।


यो समाचार पढेर तपाईको प्रतिक्रिया के छ ?

प्रतिक्रिया दिनुहोस !