पेट्रोलियम पदार्थमा अझै घाटा रहेकोले मूल्य नघट्ने निगमको स्पष्टोक्ति Nepalpatraपेट्रोलियम पदार्थमा अझै घाटा रहेकोले मूल्य नघट्ने निगमको स्पष्टोक्ति
३० श्रावण २०७९, सोमबार

पेट्रोलियम पदार्थमा अझै घाटा रहेकोले मूल्य नघट्ने आयल निगमको स्पष्टोक्ति


नेपाल आयल निगम

काठमाडौं । नेपाल आयल निगमले पेट्रोलियम पदार्थमा अझै घाटा रहेकोले मूल्य नघट्ने स्पष्ट पारेको छ । निगमले बुधबार विज्ञप्ति जारी गर्दै पेट्रोलियम पदार्थको मूल्य घटाउन नसकिने जनाएको हो ।

निगमले जारी गरेको विज्ञप्तिमा भनिएको छ, ‘मासिक एक अर्ब २७ करोड घाटा हुने स्थिति देखिएकाले पेट्रोलियम पदार्थको बिक्री मूल्य हाललाई यथावत् राख्नुपर्ने बाध्यात्मक अवस्था निगमसामु रहेको छ । पेट्रोलियम पदार्थ बिक्रीबाट संकलन भएको रकमसमेत समावेश गरी इण्डियन आयल कर्पोरेशन लिमिटेडको बक्यौता रकम भुक्तानी गर्दासमेत करिब २३ अर्ब अझै तिर्नुपर्ने अवस्था छ ।’

अन्तर्राष्ट्रिय बजारमा मूल्य घटेर आएपनि निगम घाटामा रहेकाले पेट्रोलियम पदार्थको मूल्य तत्काल घटाउन नसकिने स्पष्ट पारेको हो । भारतले पुन : पेट्रोलियम पदार्थको मूल्य घटेर नेपाल आएपछि मूल्य घटाउनुपर्ने भन्दै विद्यार्थी संगठन र उपभोक्ताकर्मीले दवाव दिंदै आएका थिए ।

सोमबार मात्र भारतीय आयल कर्पोरेसन (आईओसी) ले पेट्रोलियम पदार्थको मूल्य घटाएर पठाएको थियो । आईओसीबाट आज सोमबार प्राप्त मूल्यसूचीअनुसार पेट्रोल प्रतिलिटर १६ रुपैयाँ ८० पैसा र डिजेल मट्टितेल प्रतिलिटर १२ रुपैयाँ ४५ पैसाले घटाएर पठाएको नेपाल आयाल निगमले जानकारी दिएको थियो ।

अघिल्लो पटक जुलाई १५ तारिखमा पनि आइओसीले पेट्रोलमा प्रतिलिटर १५ रुपैयाँ ७६ पैसा र डिजेलमा प्रतिलिटर १६ रुपैयाँ ५६ पैसाले मूल्य घटाएतापनि पनि नेपाल आयल निगमले भने मूल्य घटाएको थिएन । तर मूल्य घटेर आउँदासमेत यता आन्तरिक बजारमा मूल्य समायोजन नगरेको निगमले पेट्रोलमा प्रतिलिटर १४ रुपैयाँ १९ पैसा डिजेल मट्टितेलमा समान २१ रुपैयाँ ९२ पैसा घाटामा नै रहेको जनाएको थियो ।

यसरी आईओसी पेट्रोलियम पदार्थको मूल्य घटाएर पढाएपछि अव नेपाल आयल निगमले के गर्ला भनेर आम नागरिकमा चासो बढेको थियो । भारतले दुई पटक मूल्य समायोजन गरेर पठाउँदासमेत निगमले मूल्य नघटाउँदा सडकदेखि सदनसम्मै विरोध हुँदै आएको छ ।

आईओसीको बक्यौता रकम क्रमशः भुक्तानी गर्दै पेट्रोलियम पदार्थको आपूर्ति व्यवस्था सहज गर्नुपर्ने निगमको दायित्य रहेको विज्ञप्तिमा उल्लेख छ । इन्धन खरिद गरेबापत आईओसीलाई अझै २३ अर्ब बक्यौता बाँकी रहेको पनि निगमले जनाएको छ ।

यस्तो छ हेर्नुहोस् नेपाल आयल निगमले निकालेको प्रेस विज्ञप्ति

आयल निगमले निकालेको प्रेस विज्ञप्ति

यो पनि पढ्नुहोस्

भारतबाट लगभग १७ रुपैयाँ घटेर आयो पेट्रोलको मूल्य, के गर्ला निगमले ?


यो समाचार पढेर तपाईको प्रतिक्रिया के छ ?

प्रतिक्रिया दिनुहोस !