मेरा आफन्तहरुले बेचिदिए बिश्वास केही पैसामा ।
अनि अहिले बनेका छन जिउँदो लास केही पैसामा ।।
एउटी नारीको बलात्कार भएको थाहा छ उस्लाई ।
तर पनि गर्दैछ अदालतमा वकवास केही पैसामा ।।
चोखो माया चोखो प्रेम विश्वास भन्ने कुरा न हो ।
अक्सर जोडिदो रहेछ माया खास केही पैसामा ।।
मैले सोचेको थिइन मेरो गरिबी देखेर टाढा हुन्छौं ।
आज भुल्न खोजेको हुदैछ आभास केही पैसामा ।।
अन्तिम पटक एउटा प्रश्न सोध्न मन छ तिमिसँग ।
यो मनसँग किन गर्यौ प्रेमको अभ्यास केही पैसामा ।।
