, गजल

गजल

सपना बोकी शहर आइयो, नगर गामका कुरा,
गास वास कपासकै पिर छ, नगर नामका कुरा।

आज खायो भरे भोलि के खाउँ, रुन्छन कलिला मन,
दुई छाक पेट पाल्नै छ गार्हो, नगर दामका कुरा।

हात खुट्टा खियाउछु भनी, कता कता धाउनु साथी,
धेरै भो आश्वासन नै अब त, नगर कामका कुरा।

शितल दिने चौपारी पनि, खोज्नलाइ छ कति गार्हो,
जुनले नै त पोल्छ आजकल, नगर घामका कुरा।

दुनिया सबै स्वार्थमा भन्छन, चल्ने रैछ यसै गरि,
पाइला पाइला छुरा हान्छन, नगर रामका कुरा।

*सरोज मरासिनी साहित्यकार हुन् ।

यो पनि पढ्नुहोस् 

कथा – लकडाउन खुल्दा

कथा – अमेरिका यात्रा

कविता – स्थानीय तहको अधिकार