९ फागुन, काठमाण्डौ । प्रधानमन्त्री केपी शर्मा ओली र नेकपा माओवादी केन्द्रका अध्यक्ष पुष्पकमल दाहाल प्रचण्डवीच वार्ता सुरु भएको छ । प्रधानमन्त्री ओलीको सरकारी निवास बालुवाटारमा छलफल भइरहेको ओलीका प्रेस संयोजक चेतन अधिकारीले जानकारी दिए ।
बैठकमा सरकार विस्तारको विषयमा छलफल भइरहेको छ । माओवादीले बुधबार नै सरकारमा जाने निर्णय गरेपछि मन्त्रालयको बाँडफाँडलगायत विषयमा ओली र प्रचण्डवीच छलफल भइरहेको हो ।
माओवादी केन्द्र सरकारमा कसको नेतृत्वमा पठाउने भन्ने हालसम्म निर्णय गरिसकेको छैन । बुधबारसम्ममा निर्णय भइसक्ने माओवादी केन्द्रकी प्रवक्ता पम्फा भुसालले जानकारी दिइन् ।
